दाङ –
Advertisement 1
दाङको तुलसीपुरमा मेलाको विरोध गर्दै उद्योग वााणिज्य संघले बजार बन्द गरेको छ । युथ्स् अफ तुलसीपुरले बिहीबारदेखि तुलसीपुर उपमहानगरपालिका–६ हात्तीखौवा नजिकै मेला लगाउने तयारी गरेपछि त्यसविरूद्ध व्यापारीहरूले विरोधमा उत्रिएका हुन् ।
वाणिज्य संघका अध्यक्ष रामप्रसाद चालिसेले व्यापारीहरूलाई मर्का पर्ने हुँदा मेला लाग्न नदिने भन्दै विरोध जनाए । मेलाका लागि ल्याइएका सामग्री सबै फिर्ता नभए बिहीबारदेखि अनिश्चितकालीन रूपमा यातायातदेखि सबै ठप्प पार्ने उनले बताए । मेला लगाउने नै भएपनि माघ १५ पछाडि मात्रै लगाउनुपर्ने उनी बताउँछन् । चिसो याम सुरू भएसँगै न्यायो कपडाहरू बिक्री हुने समय भएकाले अहिले मेला लगाउँदा व्यापारीहरू मर्कामा पर्ने उनको भनाइ छ ।
Advertisement 2
साथै चालिसेले क्लबले सामाजिक गतिविधि गर्नु पर्ने भन्दै मेला लगाउन नमिल्ने बताए ।
उता क्लबका अध्यक्ष अरूण लहरेले लुम्बिनी प्रदेशस्तरीय कृषि तथा व्यापारिक महोत्सवको सबै तयारी पूरा भइसकेको हुँदा कुनै पनि हालतमा मेरा नरोकिने बताउँछन् ।
Advertisement 3
क्लबका सचिव आकाश भण्डारीले मंगलबार विज्ञप्ति जारी गर्दै साउन १ गते मेला लगाउन तुलसीपुर उप– महानगरपालिकाबाट अनुमति लिइसकेको बताए ।
यस विषयमा विवाद भएपछि जिल्ला प्रशासन कार्यालय दाङले भने मेलालाई रोक्न पत्राचार गरेको छ । ईलाका प्रहरी कार्यालय तुलसीपुरले मंसिर ९ गते नै विवाद बढेका कारण जिल्ला प्रशासनबाट मेला महोत्सव रोक्न पत्राचार भइसकेको जनाएको छ ।
प्रतिक्रिया दिनुहोस्