खजुरा।आइतबार रातीदेखि बेपत्ता भएकी खजुरा गाउँपालिका ६ सिमलघारीका वीरेन्द्र पुनकी अन्दाजी ढाई वर्षीया छोरी लक्ष्मी पुनको शव बिहान घर नजिकै रहेको जङ्गलमा आज फेला परेको छ ।
बेपत्ता नाबालिकाको घर नजिकैको जङ्गलबाट मंगलबार बिहान ११ बजे शव फेला परेको हाे ।
Advertisement 1
बालिकाको घरदेखि करिब १ किलोमिटर पश्चिमतर्फको जङ्गलमा बालिकाको टाउको र एउटा खुट्टा फेला परेको
खजुरा गाउँपालिकाका अध्यक्ष डम्बर बहादुर विक (तुफान ) ले जानकारी दिनुभयो । जङ्गली जनावरले खाएर बाँकी रहेको अवस्थामा टाउको र एउटा खुट्टा फेला परेको उनले बताउनुभयो ।
उनका अनुसार बालिका पुनलाई बाघ वा चितुवाले खाएको अनुमान गरिएको छ ।
सोमबार देखि बेपत्ता बालिकाको खोजिमा खजुरा गाउँपालिका अध्यक्ष डम्बर बहादुर विक(तुफान),उपाध्यक्ष मन्जु मल्ल ,सशस्त्र प्रहरी, प्रहरीको तालिम प्राप्त कुुकुर सहित नेपाल प्रहरी, बनका कर्मचारी र स्थानीयबासी खटिएका थिए भने आज बिहान पनि गाउँपालिका अध्यक्ष डम्बर बहादुर विक(तुफान),उपाध्यक्ष मन्जु मल्ल बनका कर्मचारी, नेपाल प्रहरी र स्थानीयले खोजतलास गर्ने क्रममा बालिकाको शव फेला परेको हो ।
Advertisement 2
मृतक बालिका आइतबार राती करिब ८ बजेको समयमा आफ्नै घरको आँगनमा खेलिरहेको अवस्थामा एकाएक बेपत्ता भएकी थिइन् । उनलाई बाघले लगेको हुन सक्ने आशङ्का गरिएको थियो ।
प्रतिक्रिया दिनुहोस्