सुर्खेत –
Advertisement 1
कर्णाली प्रदेशको सभामुखमा नन्दा गुरुङ निर्वाचित भएकी छन् । आइतबार भएको प्रदेशसभा सभामुखको निर्वाचनमा गुरुङले २४ मत प्राप्त गर्दै दोस्रो सभामुखमा निर्वाचित भएकी हुन् ।
सत्तारुढ गठबन्धनको केन्द्रीय समीकरणले कर्णालीमा मुख्यमन्त्री माओवादी केन्द्र र सभामुख एमालेलाई भाग लगाएको थियो । सोही अनुसार एमालेले योपटक महिला सांसदलाई सभामुखमा अघि सारेको हो ।
Advertisement 2
त्यस्तै गुरुङका प्रतिस्पर्धी नेपाली कांग्रेसका खड्गबहादुर पोखरेलले भने १४ मत प्राप्त गरे ।
४० सदस्यीय कर्णाली प्रदेश सभामा समामुखको निर्वाचनमा ३८ जनाले भाग लिएका थिए । एमालेकी गुरुङलाई एमालेको १०, नेकपा (माओवादी केन्द्र) को १३, र राप्रपाको १ मत प्राप्त भएको छ । सभामा गुरुङ समानुपातिक कोटाबाट सांसद बनेकी हुन् । कांग्रेसका पोखरेलले नेपाली काँग्रेसका १४ जना सांसदको मात्र मत पाएका छन् ।
प्रतिक्रिया दिनुहोस्