बाँके, खजुरा — खजुरा गाउँपालिकाले व्यवसाय दर्ता तथा नवीकरण प्रक्रियालाई सहज, छरितो र प्रभावकारी बनाउन आगामी मंसिर ४ गतेदेखि १४ गतेसम्म विभिन्न स्थानमा घुम्ती शिविर सञ्चालन गर्ने भएको छ। आ.व. २०८२/०८३ का स्वीकृत नीति तथा कार्यक्रमअनुसार ‘सेवा जनताको घरदैलोमै’ भन्ने लक्ष्यसहित गाउँपालिकाले शिविरको तालिका सार्वजनिक गरेको हो।
Advertisement 1
गाउँपालिकाले गरेको सूचनाअनुसार पालिकाभित्रका दर्ता नभएका, दर्ता भए पनि नवीकरण नगरिएका तथा समयमै कर नतिरेका उद्योग, व्यापार, फर्म तथा कम्पनीहरूले अनिवार्य रूपमा शिविरमा उपस्थित भई दर्ता र नवीकरण प्रक्रिया पूरा गर्नुपर्नेछ।
यसअघि व्यवसायीहरूलाई गाउँपालिका कार्यालयसम्म पुग्नुपर्ने बाध्यता हटाउन, समय खर्चिलो प्रक्रिया न्यूनिकरण गर्न र राजस्व व्यवस्थापनलाई व्यवस्थित बनाउन घुम्ती सेवा प्रभावकारी हुने विश्वास गाउँपालिकाले व्यक्त गरेको छ।
Advertisement 2
कानुनी व्यवस्थाअनुसार दर्ता र नवीकरण अनिवार्य
गाउँपालिकाले २०७७ मा लागू गरेको व्यवसाय कर सम्बन्धी कार्यविधिको
Advertisement 3
दफा ३ अनुसार व्यवसाय दर्ता,
दफा ५ अनुसार नियमित नवीकरण
अनिवार्य छ। दर्ता नगरी वा नवीकरण नगरी सञ्चालन भइरहेको व्यवसायहरू गैरकानुनी मानिने भएकाले यसपटकको घुम्ती शिविरलाई अत्यन्तै महत्वपूर्ण मानिएको छ।
अपाङ्गता भएका व्यवसायीलाई ५० प्रतिशत छुट
गाउँपालिकाले सामाजिक समावेशन र आर्थिक पहुँचलाई ध्यानमा राख्दै अपाङ्गता भएका व्यक्तिहरूले सञ्चालन गरेका व्यवसायको दर्ता तथा नवीकरण शुल्कमा ५० प्रतिशत छुट प्रदान गर्ने निर्णय गरेको छ।
यसले अपाङ्गता भएका उद्यमीलाई राहत मिल्ने र औपचारिक व्यवसायिक प्रणालीमा सहभागी हुन प्रोत्साहन मिल्ने अपेक्षा छ।
शिविर सञ्चालनको विस्तृत तालिका
खजुरा गाउँपालिकाले ९ स्थानमा निम्नानुसार सेवा उपलब्ध गराउने छः
क्र.स बजार/ क्षेत्र मिति स्थान समय
१ वडा नं. १ / मंसिर ०४ वडा १ कार्यालय १०:३० ३:३०
२ सि गाउँ बजार मंसिर ०५ सि गाउँ स्कुल १०:३०–३:३०
३ सिमलघारी मंसिर ०७ सिमलघारी १०:३०–३:३० ४ वडा नं. ७ मंसिर ०८ वडा ७ कार्यालय १०:३०–३:३०
५ वडा नं. ४ मंसिर ०९ वडा ४ कार्यालय १०:३०–३:३०
६ वडा नं. ८ मंसिर १० वडा ८ कार्यालय १०:३०–३:३०
७ वडा नं. ५ मंसिर ११ वडा ५ कार्यालय १०:३०–३:३०
८ वडा नं. २ (रिमझिम बजार, बाबा स्थान, स्वास्थ चौकी वरपर)
मंसिर १२ वडा २ कार्यालय १०:३०–३:३०
९ खजुरा बजार क्षेत्र मंसिर १४ गाउँपालिका कार्यालय १०:३०–३:३०
सेवा प्राप्त गर्न आवश्यक कागजात
शिविरमा आउने व्यवसायीहरूले तलका कागजात अनिवार्य रूपमा ल्याउनुपर्नेछ—
नागरिकताको प्रमाण–पत्रको प्रतिलिपि
व्यवसाय दर्ता/इजाजत पत्रको प्रतिलिपि
वडा कार्यालय सिफारिस
पासपोर्ट–साइज फोटो (३ प्रति)
व्यवसाय दर्ता प्रमाणपत्र (नवीकरणको हकमा अनिवार्य)
व्यवसाय भाडामा भए घरबहाल सम्झौता पत्र
अपाङ्गता परिचयपत्र (छुटका लागि)
व्यवसायीहरूलाई समयमै दर्ता/नवीकरण गर्न आग्रह
दर्ता तथा नवीकरणको प्रक्रिया समयमै नगर्ने व्यवसायीले पछि अतिरिक्त जरिवाना तथा सजाय भोग्नुपर्ने हुँदा शिविरकै माध्यमबाट प्रक्रिया पूरा गर्न विशेष अनुरोध गरिएको छ।
गाउँपालिकाले निरन्तर रूपमा व्यवसाय दर्ता प्रणालीलाई आधुनिक, पारदर्शी र जनमुखी बनाउँदै लग्ने प्रतिबद्धता जनाएको छ।
प्रतिक्रिया दिनुहोस्